ವೆಲ್ಲಿಯಂಗಿರಿಯಲ್ಲಿರುವ ಧ್ಯಾನಲಿಂಗ ದೇವಾಲಯವನ್ನು ಸದ್ಗುರುಗಳು 1994ರಲ್ಲಿ ಸ್ಥಾಪಿಸಿದರು. ಅದೇ ವರ್ಷದಲ್ಲಿ ಈ ದೇವಾಲಯದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮೊಟ್ಟ ಮೊದಲ ಬಾರಿಗೆ ಧ್ಯಾನ ಲಿಂಗದ ಬಗ್ಗೆ ಸದ್ಗುರುಗಳು ಚರ್ಚೆ ನಡೆಸಿದ ನಂತರ ಇದನ್ನು ಸ್ಥಾಪಿಸಲಾಯಿತು.
1996ರಲ್ಲಿ ಕಲ್ಲಿನಲ್ಲಿ ಕೆತ್ತಲಾದ ಧ್ಯಾನಲಿಂಗವನ್ನು ಈ ಧ್ಯಾನಲಿಂಗ ದೇವಾಲಯದಲ್ಲಿ ಸ್ಥಾಪಿಸಲಾಯಿತು. 1999ರವರೆಗೆ ಈ ದೇವಾಲಯಕ್ಕೆ ಕೇವಲ ಸದ್ಗುರುಗಳ ಅನುಯಾಯಿಗಳಿಗೆ ಮಾತ್ರ ಪ್ರವೇಶಾವಕಾಶವಿತ್ತು. 23 ನವೆಂಬರ್ 1999ರಿಂದ ಈ ದೇವಾಲಯಕ್ಕೆ ಸಾರ್ವಜನಿಕರಿಗೆ ಪ್ರವೇಶಾವಕಾಶವನ್ನು ಕಲ್ಪಿಸಲಾಯಿತು.
ಈ ದೇವಾಲಯವು ಒತ್ತಡ ಮತ್ತು ಉದ್ವೇಗಗಳನ್ನು ದೂರಮಾಡಿಕೊಳ್ಳಬೇಕು ಎಂದು ಬಯಸುವವರ ಪಾಲಿಗೆ ಅತ್ಯಂತ ಮಹತ್ವದ ಸ್ಥಳವಾಗಿ ಪರಿಣಮಿಸಿದೆ. ಈ ದೇವಾಲಯದ ಪ್ರಶಾಂತವಾದ ವಾತಾವರಣದಲ್ಲಿ ಧ್ಯಾನ ಮಾಡುವ ಸಲುವಾಗಿ ಇಲ್ಲಿಗೆ ಹಲವಾರು ಜನರು ಆಗಮಿಸುತ್ತಿರುತ್ತಾರೆ. ಈ ದೇವಾಲಯದ ಮತ್ತೊಂದು ವಿಶೇಷತೆಯೇನೆಂದರೆ ಇದು ಯಾವುದೇ ಧರ್ಮಕ್ಕೆ ಸಂಬಂಧಿಸಿದ ದೇವಾಲಯವಾಗಿ ನಿಂತಿಲ್ಲ. ಆ ಕಾರಣದಿಂದಾಗಿ ಹಲವು ಜನರು ಧರ್ಮ, ಜಾತಿ ಭೇದವಿಲ್ಲದೆ ಇಲ್ಲಿಗೆ ಧ್ಯಾನ ಮಾಡುವ ಸಲುವಾಗಿ ಆಗಮಿಸುತ್ತಿರುತ್ತಾರೆ.