ಸೀತಾಮಾತಾ ವನ್ಯಧಾಮವು ಅರಾವಳಿ ಬೆಟ್ಟಗಳು ಮತ್ತು ಮಾಲ್ವಾ ಬೆಟ್ಟಗಳ ಮೇಲೆ ಇದೆ. ವನ್ಯಧಾಮವು ದಟ್ಟ ಅರಣ್ಯದಿಂದ ಕೂಡಿದ್ದು, ಇಷ್ಟು ದಟ್ಟವಾಗಿರುವ ಒಂದೇ ಅರಣ್ಯವಿದು. ಬಿದಿರು, ಸಲಾರ್, ಆಮ್ಲ ಮತ್ತು ಬೆಲ್ ಮರಗಳ ಜೊತೆಗೆ ಈ ಅರಣ್ಯದ ಅರ್ಧದಷ್ಟು ಭಾಗ ತೇಗದ ಮರವಾಗಿದೆ. ಜಖಮ್ ಮತ್ತು ಕರ್ಮೋಯಿ ನದಿಗಳು ಇಲ್ಲಿ ಹರಿಯುತ್ತವೆ. ಜಖಮ್ ನದಿಗೆ ಆಣೆಕಟ್ಟನ್ನು ನಿರ್ಮಿಸಲಾಗಿದೆ. ಸ್ಥಳೀಯರಿಗೆ ಈ ಆಣೆಕಟ್ಟಿನ ಮೂಲಕ ನೀರಾವರಿ ಸೌಲಭ್ಯ ಕಲ್ಪಿಸಲಾಗಿದೆ. ಪ್ರಾಣಿಗಳಾದ ಚಿರತೆಗಳು, ಹೈನಾಗಳು, ನರಿಗಳು, ಕಾಡುಬೆಕ್ಕು, ಮುಳ್ಳುಹಂದಿಗಳು, ಜಿಂಕೆ, ಕರಡಿಗಳು ಮತ್ತು ಕೃಷ್ಣಮೃಗಗಳನ್ನು ನಾವು ಇಲ್ಲಿ ಕಾಣಬಹುದು. ಹಾರುವ ಅಳಿಲು ಇಲ್ಲಿನ ಪ್ರಮುಖ ಆಕರ್ಷಕ ಪ್ರಾಣಿ. ರಾತ್ರಿಯ ಹೊತ್ತಲ್ಲಿ ಈ ಅಳಿಲು ಮರದಿಂದ ಮರಕ್ಕೆ ಹಾರುತ್ತಿರುತ್ತದೆ.ಈ ಪ್ರದೇಶವು ಸೀತೆಯ ವನವಾಸದ ಅವಧಿಯಲ್ಲಿ, ಇಲ್ಲಿರುವ ವಾಲ್ಮೀಕಿ ಆಶ್ರಮದಲ್ಲೇ ವಾಸಿಸಿದ್ದಳು ಎಂದು ಹೇಳಲಾಗುತ್ತದೆ. ಇದು ಈ ಪ್ರದೇಶದ ಐತಿಹಾಸಿಕ ಮಹತ್ವ.