ಭೀಮ ಕುಂಡ - ಕೀಚಕದರಾ, ಚಿಕಲ್ದಾರಾ ಪ್ರದೇಶದಲ್ಲಿದ್ದು ಅದರ ಭಕ್ತಾದಿಗಳ ನಡುವೆ ಅಧಿಕ ಮಹತ್ವವನ್ನು ಪಡೆದ ಸ್ಥಳವಾಗಿದೆ. ಅಲ್ಲಾಧೊಘ್ ಗ್ರಾಮದ ಬಳಿ ಇರುವ ಭೀಮಕುಂಡ 3,500 ಅಡಿ ಆಳವಾಗಿದೆ.
ಪುರಾಣದ ನಂಬುಗೆಯ ಪ್ರಕಾರ ಆಗಿನ ಕಾಲದಲ್ಲಿದ್ದ ಪಾಂಡವರಲ್ಲಿ ಒಬ್ಬನಾದ ಬಲಶಾಲಿ ಭೀಮನು ಕೀಚಕನನ್ನು ಸಂಹಾರ ಮಾಡಿ ಇಲ್ಲಿನ ಅತ್ಯಂತ ಆಳದ ಕಣಿವೆಗೆ ಕೀಚಕನ ದೇಹವನ್ನು ಎಸೆದಿದ್ದನು. ಆದ್ದರಿಂದ ಈ ಸ್ಥಳವು ಭೀಮ ಕುಂಡ ಎಂಬ ಹೆಸರನ್ನು ಪಡೆಯಿತು.
ಈ ಸ್ಥಳದಿಂದ ಧುಮ್ಮಿಕ್ಕುವ ಜಲಪಾತಗಳು ನೋಡುಗನ ಮನಸ್ಸನ್ನು ತಣಿಸುತ್ತವೆ. ಅದರಲ್ಲೂ ಮಳೆಗಾಲದಲ್ಲಿ ಇಲ್ಲಿನ ದೃಶ್ಯ ಅಮೋಘವಾಗಿದ್ದು ಪ್ರಕೃತಿಯ ಚೆಲುವು ಅವರ್ಣನೀಯ!