ಚೌಕೋರಿಯಿಂದ 35 ಕಿಲೋಮೀಟರ್ ಅಂತರದಲ್ಲಿರುವ ಗಂಗೋಳಿಹಟ್ನ ಮಹಾಕಾಳಿ ದೇವಸ್ಥಾನ ತುಂಬಾ ಪ್ರಸಿದ್ಧಿ ಪಡೆದ ಶ್ರೀ ಕ್ಷೇತ್ರ. ಆದಿಗುರು ಶಂಕರಾಚಾರ್ಯರ ಸಲಹೆಯಂತೆ ನಿರ್ಮಾಣವಾದ ಈ ದೇವಾಲಯ ದೇಶದ ಮಹಾಕಾಳಿ ಶಕ್ತಿ ಪೀಠಗಳ ಪೈಕಿ ಒಂದಾಗಿದೆ. ಭಕ್ತರು ತಮ್ಮ ಇಷ್ಟಾರ್ಥ ಸಿದ್ಧಿಗಾಗಿ ದೇವಿಗೆ ಆಡು ಹಾಗೂ ಕುರಿಗಳನ್ನು ಬಲಿ ಕೊಡುತ್ತಾರೆ. ಈ ದೇವಾಲಯ ಹಾಥ್ ಕಾಳಿಕಾ ಮಂದಿರ ಎಂದೂ ಪ್ರಸಿದ್ಧವಾಗಿದೆ. ಇಲ್ಲಿ ನಡೆಯುವ ಜಾತ್ರೆ ವರ್ಣಮಯವಾಗಿದ್ದು, ಡ್ರಮ್ಗಳ ಶಬ್ದಕ್ಕನುಗುಣವಾಗಿ ನೃತ್ಯ ಮಾಡುವ ಮೂಲಕ ಭಕ್ತರು ಪುನೀತರಾಗುತ್ತಾರೆ. ಇಲ್ಲಿಂದ ಕೇವಲ 2 ಕಿಲೋಮೀಟರ್ ಅಂತರದಲ್ಲಿರುವ ಚಾಮುಂಡಿ ದೇವಾಲಯಕ್ಕೂ ಭೇಟಿ ನೀಡಬಹುದು. ಸ್ಥಳೀಯರ ಪ್ರಕಾರ, ಈ ದೇವಾಲಯಗಳ ಸುತ್ತ ರಾತ್ರಿಹೊತ್ತು ಆತ್ಮಗಳ ಸಂಚಾರ ಇರುತ್ತದೆ!