ಚಂದೀಗಢ್ ನ ಸೆಕ್ಟರ್ 1ರಲ್ಲಿರುವ ಕ್ಯಾಪಿಟಲ್ ಕಾಂಪ್ಲೆಕ್ಸ್ ರಚನೆ ಕಣ್ಣಿಗೆ ಮುದ ನೀಡುತ್ತದೆ. ಪಂಜಾಬ್ ಮತ್ತು ಹರ್ಯಾಣ ಸರ್ಕಾರಗಳೆರಡರ ವಿಧಾನಸಭೆಗಳು ಇಲ್ಲಿದೆ. ಇದರ ವಾಸ್ತು ವೈಭವದ ಶ್ರೇಯಸ್ಸು ಸಂಪೂರ್ಣವಾಗಿ ಲಿ ಕೊರ್ಬಸೈಯರ್ ಅವರಿಗೆ ಸಲ್ಲುತ್ತದೆ. ಈ ಕಟ್ಟಡವು ಯೋಜಿತ ಚಂದೀಗಢ್ ನಗರದ ಪ್ರತಿಬಿಂಬದಂತಿದೆ.
ಸಂಕೀರ್ಣದ ಆವರಣದ ಒಳಗೆ ಆಡಳಿತದ ಪ್ರಮುಖ ಅಂಗಗಳಾದ ಸಚಿವಾಲಯ, ವಿಧಾನಸಭೆ ಮತ್ತು ಹೈಕೋರ್ಟ್ ನ ಮೂರು ಸೌಧಗಳಿದ್ದು, ಈ ಮೂರು ಭವ್ಯ ಕಟ್ಟಡಗಳು ಪ್ರವಾಸಿಗರ ಪರಿಧಿಯ ಹೊರಗಿವೆ. ಆದರೂ ಪ್ರವಾಸಿಗಳು ಕ್ಯಾಪಿಟಲ್ ಕಾಂಪ್ಲೆಕ್ಸ್ ನ ಹೃದಯಭಾಗದಲ್ಲಿರುವ ಚಂದೀಗಢ್ ನ ಅಧಿಕೃತ ಲಾಂಛನ ತೆರೆದ ಕೈ(ಓಪನ್ ಹ್ಯಾಂಡ್)ಯಿಂದ ಸ್ವಲ್ಪ ದೂರದಿಂದಲೇ ಇದನ್ನು ಕಾಣಬಹುದಾಗಿದೆ. ತುಂಬಾ ಹತ್ತಿರದಿಂದ ಈ ಕಟ್ಟಡಗಳನ್ನು ನೋಡಬೇಕಾಗಿದಲ್ಲಿ ಸೆಕ್ಟರ್ 9ರಲ್ಲಿರುವ ಪ್ರವಾಸಿಗರ ಕಚೇರಿ ಅಥವಾ ಸೆಕ್ಟರ್ 17ರ ಪ್ಲಾಜಾದಲ್ಲಿರುವ ಪ್ರವಾಸಿ ಸ್ವಾಗತ ಕೇಂದ್ರದಲ್ಲಿ ಅನುಮತಿ ಪಡೆಯಬೇಕಾಗುತ್ತದೆ.