ರಾಜ ಮಹಲ್ ಚಾಂದೇರಿ ನಗರದ ಒಳಗಿರುವ ಏಳು ಅಂತಸ್ಥನ್ನು ಹೊಂದಿರುವ ಹೆಮ್ಮೆಯ ಅರಮನೆ. ಚಾಂದೇರಿಯಲ್ಲಿ ಉಳಿದುಕೊಂಡಿರುವ ಕೆಲವೇ ಅರಮನೆಗಳಲ್ಲಿ ಇದೂ ಒಂದು. ಚಾಂದೇರಿಯಲ್ಲಿ ಒಂದು ಕಾಲದಲ್ಲಿ 260 ಅರಮನೆಗಳಿದ್ದವು, ಅದರಲ್ಲಿ ಕೇವಲ 43 ಇಲ್ಲಿಯವರೆಗೆ ಅಸ್ತಿತ್ವ ಉಳಿಸಿಕೊಂಡಿವೆ. ಈ ರಾಜ ಮಹಲ್ ಅರಮನೆಯ ವಾಸ್ತುಶಿಲ್ಪವು 15 ನೆ ಶತಮಾನದ್ದು ಎನ್ನಲಾಗಿದೆ. ಈ ಅರಮನೆ ಬೂದು ಮತ್ತು ಬಿಳಿ ಮರಳುಗಲ್ಲು ಗಳನ್ನು ಒಳಗೊಂಡ ವಿಸ್ತಾರವಾದ ಕೆತ್ತನೆಗಳನ್ನು ಹೊಂದಿದ ಸುಂದರ ಕಟ್ಟಡವಾಗಿದೆ.

ಅರಮನೆಯು  ನಿಜವಾಗಿಯೂ ದೊಡ್ಡ ಅಂಗಳ, ಸೊಗಸಾದ ಮೆಟ್ಟಿಲು, ಸುಂದರವಾಗಿ ಕಂಬಗಳು ಮತ್ತು ಟೆರೇಸ್ನಲ್ಲಿ ಮುಕ್ತ ಉದ್ಯಾನಗೃಹ ಹೊಂದಿದ ಒಂದು ಭವ್ಯವಾದ ರಚನಯಾಗಿದೆ. ಈ ಅರಮನೆಯಲ್ಲಿ ಒಂದು ಒಳ ಮಾರ್ಗವಿದೆ ಅದು ಹತ್ತಿರದ ಮತ್ತೊಂದು ಅರಮನೆಯಾದ ರಾಣಿ ಮಹಲ್‍ಗೆ ತಲುಪುತ್ತದೆ. ಈ ರಾಣಿ ಮಹಲ್ ಒಂದು ಅದ್ಬುತ ವಾಸ್ತುಶಿಲ್ಪವನ್ನು ಒಳಗೊಂಡ ರಾಜ ಮಹಲ್ ಕ್ಕಿಂತ ಭಿನ್ನವಾಗಿರುವ ಅರಮನೆಯಾಗಿದೆ. ಈ ಎರಡು ಅರಮನೆಯನ್ನು ಸೇರಿಸಿ ರಾಜ ಮಹಲ್ ಎಂದೇ ಕರೆಯುತ್ತಾರೆ. ಚಾಂದೇರಿ ಪ್ರವಾಸದ ಮುಖ್ಯ ಕೇಂದ್ರ ಬಿಂದು ಈ ಅರಮನೆಯಾಗಿದೆ.