ಬತ್ತೀಸಿ ಬಾವಡಿ ಚಾಂದೇರಿಯಲ್ಲಿರುವ ಅತ್ಯಂತ ಪ್ರಸಿದ್ಧ ಮತ್ತು ದೊಡ್ಡ ಮೆಟ್ಟಿಲುಗಳ ಬಾವಿಯಾಗಿದೆ. ಸಮುದ್ರಗಳು ಅಸ್ತಿತ್ವದಲ್ಲಿರುವವರೆಗೂ ಈ ಬಾವಿಯಲ್ಲಿ ನೀರು ಸದಾ ಇರುತ್ತದೆ ಎಂಬ ನಂಬಿಕೆಯನ್ನು ಈ ಬಾವಿಯ ಜೊತೆ ಹೆಣೆಯಲಾಗಿದೆ. ಈ ಬಾವಿಯ ನೀರಿನ ಮಟ್ಟ ಎಲ್ಲಾ ವರ್ಷಗಳಲ್ಲೂ ಒಂದೇ ಹಂತದಲ್ಲಿರುವುದು ಇದರ ವಿಶೇಷತೆ. ಈ ಬಾವಿಯು 60 * 60 ಅಡಿ ಇದ್ದು ಚಚೌಕಾರವಾಗಿದೆ. ನೀರಿನ ಮಟ್ಟಅಥವಾ ಆಳ ಸುಮಾರು ನಾಲ್ಕು ಮಹಡಿಗಳಷ್ಟಿದೆ. ಬಾವಿಯ ಮುಖ್ಯ ಪ್ರವೇಶವು, ಮೆಟ್ಟಿಲುಗಳಿಂದ ಕೂಡಿದೆ. ಪ್ರತಿ ಮಜಲಿನ ಕೊನೆಯ ಮೆಟ್ಟಿಲು ಸುಂದರವಾದ ಘಾಟ್ ಅನ್ನು ಒಳಗೊಂಡಿದ್ದು ಬಾವಿಯ ಎಲ್ಲಾ ಬದಿಗಳಲ್ಲೂ ಸುತ್ತುವರೆದಿದೆ. ಈ ಬಾವಿಯಲ್ಲಿ 32 ಮೆಟ್ಟಿಲುಗಳಿದ್ದು ಅದರಿಂದ ಈ ಹೆಸರನ್ನು ನೀಡಲಾಯಿತು (ಹಿಂದಿಯಲ್ಲಿ ಬತ್ತೀಸ್ ಎಂದರೆ 32 ಎಂದರ್ಥ). 1485 ರಲ್ಲಿ ಸುಲ್ತಾನ್ ಗಿಯಾಸುದ್ದೀನ್ ಶಾನ್ ಖಿಲ್ಜಿ ಆಳ್ವಿಕೆಯಲ್ಲಿ ಶೇರ್ ಖಾನ್ ನಿಂದ ಈ ಬತ್ತೀಸ್ ಬಾವಡಿ ನಿರ್ಮಿಸಲಾಯಿತು.