ಕಲಂಗುಟ ಬೀಚನ್ನು ಮನರಂಜನೆಯ ಕೇಂದ್ರ ಬಿಂದುವೆಂದೆ ಹೇಳಬಹುದು. ಗೋವಾದ ಉತ್ತರ ಭಾಗಕ್ಕಿರುವ ಕ್ಯಾಂಡೋಲಿಮ ಮತ್ತು ಬಾಗಾ ಬೀಚಗಳೊಂದಿಗೆ ಹತ್ತಿಕೊಂಡಿರುವ ಕಲಂಗುಟ ಬೀಚವು ಪ್ರವಾಸಿಗರ ಸ್ವರ್ಗವೆಂದೆ ಖ್ಯಾತಿಯಾಗಿದೆ. ವಾಹನ ನಿಲುಗಡೆಗೆ ಇಲ್ಲಿ ವಿಶಾಲವಾದ ಸ್ಥಳವಿದ್ದು ಯಾವುದೆ ತೊಂದರೆಯಿಲ್ಲದೆ, ಕಿರಿ ಕಿರಿಯಿಲ್ಲದೆ ಸಮಯವನ್ನು ಕಳೆಯಬಹುದು.

ಇಲ್ಲೂ ಕೂಡ ಬಗೆ ಬಗೆಯ ಶಾಪಿಂಗ್ ಮಳಿಗೆಗಳಿದ್ದು ಭೇಟಿ ನೀಡಬಹುದು.ವಿಶೇಷವಾಗಿ ಕಲಂಗುಟ ಬೀಚವು ಡ್ರೈ ಫ್ರೂಟಗಳಿಗೆ ಹೆಸರುವಾಸಿಯಾಗಿದ್ದು, ಇಲ್ಲಿ ದೊರೆಯುವ ಸಾದಾ ಇಲ್ಲವೆ ಹುರಿದ ಅಥವಾ ಉಪ್ಪು ಹಚ್ಚಿದ ಗೊಡಂಬಿಗಳನ್ನು ತಿನ್ನಲೆಬೇಕು. ಜಲಕ್ರೀಡೆಗಳಾದ ಬನಾನಾ ರೈಡಿಂಗ್, ಪ್ಯಾರಸೇಲಿಂಗ್ ಮುಂತಾದವು ಕೂಡ ಇಲ್ಲಿ ಆಕರ್ಷಣೀಯವಾಗಿದ್ದು ಬೇಕಾದರೆ ಎಜೆಂಟರ ಮುಖಾಂತರ ಅವುಗಳನ್ನು ಆಸ್ವಾದಿಸಬಹುದು. ಇನ್ನು ಪ್ಯಾರಾಸೇಲಿಂಗ ಮಾಡುವಾಗ ಉತ್ತರಕ್ಕೆ ಅಂಜುನಾ ಮತ್ತು ದಕ್ಷಿಣಕ್ಕೆ ಕ್ಯಾಂಡೋಲಿಮ್ ಕಡಲ ತೀರಗಳಿರುವುದನ್ನು ಕಾಣಬಹುದು.

ಈ ಬೀಚನಲ್ಲಿ ಏಡಿ ಮತ್ತು ಲಾಬಸ್ಟರಗಳಿಂದ ತಯಾರಿಸಲ್ಪಟ್ಟ ರುಚಿಕರವಾದ ಖಾದ್ಯಗಳಿಗೆ ಹೆಸರುವಾಸಿಯಾದ 'ಸೌಜಾ ಲೊಬೊ' ಎಂಬ ಮಳಿಗೆಯನ್ನು ಕಾಣಬಹುದಾಗಿದೆ. ನೀಮಗೆನಾದರು ಊಟದ ಜೊತೆ ಶ್ಯಾಕಗಳ ಅನುಭವ ಬೇಕಾದಲ್ಲಿ ಕಲಂಗುಟನಿಂದ ಕೇವಲ 20 ನಿಮಿಷಗಳ ಅವಧಿಯಲ್ಲಿ ನಡೆಯುತ್ತಾ ತಲುಪಬಹುದಾದ ಬಾಗಾ ಬೀಚನ ಬ್ರಿಟ್ಟೊಸಗೆ ಹೋಗಬಹುದು. ಇಲ್ಲವಾದಲ್ಲಿ ಕಲಂಗುಟನಲ್ಲಿರುವ ತಾಜ ವಿವಾಂತಾರವರ ದಿ ವಿಲೇಜಗೆ ಭೇಟಿ ನೀಡಬಹುದು. ಇದು ಅಗುವಾಡಾ ಕೋಟೆ ಹತ್ತಿರದಲ್ಲಿದೆ.ಇಲ್ಲಿಂದ ಕಲಂಗುಟ, ಬಾಗಾ ಮತ್ತು ಕ್ಯಾಂಡೋಲಿಮಾಗಳ ಅದ್ಭುತ ದೃಶ್ಯವನ್ನು ನೋಡಬಹುದು.

ಕಲಂಗುಟ ಬೀಚವು ಬಸ್ ನಿಲ್ದಾಣಕ್ಕೂ ಕೂಡ ಹತ್ತಿರವಾಗಿದೆ. ಪಣಜಿ ಮತ್ತು ಬೇರೆಡೆಯಿಂದ ಇಲ್ಲಿಗೆ ತಲುಪಲು ಕ್ಯಾಬ ಅಥವಾ ಬಸ್ಸುಗಳ ಸೇವೆಯು ಸುಲಭವಾಗಿ ಸಿಗುತ್ತದೆ. ನೀವೆ ಡ್ರೈವ್ ಮಾಡುವ ಹಾಗಿದ್ದರೆ ಹೇರಳವಾಗಿರುವ ದಿಕ್ಸೂಚಿಗಳು ನಿಮ್ಮನ್ನಿಲ್ಲಿ ಸುಲಭವಾಗಿ ತಲುಪಿಸುತ್ತವೆ.