ಬಿಕಾನೇರ್ ನಿಂದ 8 ಕಿ.ಮೀ ದೂರದಲ್ಲಿರುವ ರಾಜರ ಸಮಾಧಿಗಳು ಇಲ್ಲಿನ ಪ್ರಮುಖ ಪ್ರವಾಸಿ ಆಕರ್ಷಣೆಗಳಾಗಿವೆ. ಈ ಕೆಂಪು ಮರಳುಗಲ್ಲಿನ ಸಮಾಧಿಗಳನ್ನು ಬೀಕನೇರ್ ಸಾಮ್ರಾಜ್ಯದ ರಾಜಮನೆತನದ ಸದಸ್ಯರ ನೆನಪಿನಾರ್ಥವಾಗಿ ನಿರ್ಮಿಸಲಾಗಿದೆ. ಈ ಸಮಾಧಿಗಳ ಕೆತ್ತನೆಯು ಫತೇಫುರ್ ಸಿಕ್ರಿಯಲ್ಲಿರುವ ಕೆತ್ತನೆಗಳನ್ನು ಹೋಲುತ್ತವೆ. ರಾಜ ಸೂರಜ್ ಸಿಂಗನ ಸಮಾಧಿಯು ಇಲ್ಲಿರುವ ಸಮಾಧಿಗಳಲ್ಲೆ ಅತ್ಯಂತ ಆಕರ್ಷಕವಾದುದಾಗಿದೆ. ಇದನ್ನು ಬಿಳಿಯ ಅಮೃತಶಿಲೆಯಿಂದ ನಿರ್ಮಿಸಲಾಗಿದೆ. ಇದರ ಛಾವಣಿಯನ್ನು  ರಜಪೂತರ ಶೈಲಿಯ ವರ್ಣಚಿತ್ರಗಳಿಂದ ಅಲಂಕರಿಸಲಾಗಿದೆ.