ಕೊಲಯತ್ ದೇವಾಲಯವು ಬೀಕನೇರಿನಿಂದ 51 ಕಿ.ಮೀ ದೂರದಲ್ಲಿರುವ ಕೊಲಯತ್‍ನಲ್ಲಿ ನೆಲೆಗೊಂಡಿರುವ ಪ್ರಮುಖ ದೇವಾಲಯವಾಗಿದೆ. ಕೊಲಯತ್ ಎಂಬುದು ಹಿಂದೆ ವೇದಗಳ ಕಾಲದಲ್ಲಿ ಕಪಿಲ ಮುನಿಗಳು ಇಲ್ಲಿನ ಆಲದ ಮರದ ಕೆಳಗೆ ಕುಟೀರವನ್ನು ನಿರ್ಮಿಸಿಕೊಂಡು ವಾಸಿಸುತ್ತಿದ್ದರು ಎಂದು ನಂಬಲಾಗಿದೆ. ಈ ಅಮೃತಶಿಲೆಯ ದೇವಾಲಯವು ಮರಳುಗಲ್ಲಿನಿಂದ ನಿರ್ಮಿಸಲಾದ ಸುಂದರವಾದ ಉಪ್ಪರಿಗೆಗಳಿಂದ ಅಲಂಕೃತಗೊಂಡಿದೆ. ಈ ದೇವಾಲಯಗಳಿಗೆ ಹೊರತಾಗಿ, ಇಲ್ಲಿರುವ ದೊಡ್ಡ ಕೃತಕ ಕೆರೆಯ ಸುತ್ತಲು 32 ಘಾಟ್‍ಗಳನ್ನು ನಿರ್ಮಿಸಲಾಗಿದೆ. ಭಕ್ತಾಧಿಗಳು ಇಲ್ಲಿನ ನೀರಿನಲ್ಲಿ ಸ್ನಾನ ಮಾಡುವುದು ಪವಿತ್ರವೆಂದು ಪರಿಗಣಿಸಿದ್ದಾರೆ.

ಕಾರ್ತಿಕ ಮಾಸದ ಪೂರ್ಣಿಮೆಯಂದು ಇಲ್ಲಿ ಅದ್ದೂರಿಯಾಗಿ ವಾರ್ಷಿಕ ಉತ್ಸವವನ್ನು ನಡೆಸಲಾಗುತ್ತದೆ. ಈ ಉತ್ಸವದಲ್ಲಿ ನಡೆಯುವ ಭಾರಿ ದನ ಕರುಗಳ ಜಾತ್ರೆಯು ಇಲ್ಲಿಗೆ ಆಗಮಿಸುವವರ ಪಾಲಿಗೆ ಪ್ರಮುಖ ಆಕರ್ಷಣೆಯಾಗಿದೆ. ಕೊಲಯತ್ ಪಟ್ಟಣವು ಬೀಕನೇರ್ ನಗರದೊಂದಿಗೆ ರಸ್ತೆ ಮತ್ತು ರೈಲಿನ ಸಂಪರ್ಕವನ್ನು ಹೊಂದಿದೆ.