ಮುಕ್ತೇಶ್ವರ ದೇವಸ್ಥಾನವು 10 ನೆಯ ಶತಮಾನದಲ್ಲಿ ನಿರ್ಮಿತವಾದ ದೇವಾಲಯವಾಗಿದ್ದು, ಇದು ರಾಜಧಾನಿಯಾದ ಭುವನೇಶ್ವರ್ ನಲ್ಲಿ ಶ್ರೀಮದ್ಗಾಂಭೀರ್ಯದಿಂದ ತಲೆಯೆತ್ತಿ ನಿಂತಿದೆ. ಇದು ನಗರದ ಒಂದು ಪ್ರಮುಖ ಹೆಗ್ಗುರುತಾಗಿದೆ.  ಅನೇಕ ಕಾರಣಗಳಿಗಾಗಿ ಈ ದೇವಳವು ಜನಪ್ರಿಯತೆಯನ್ನು ಗಳಿಸಿದೆ.  ಮುಕ್ತೇಶ್ವರ ದೇವಸ್ಥಾನದ ಜನಪ್ರಿಯತೆಗೆ ಅತಿ ಸಾಮಾನ್ಯ ಕಾರಣವೇನೆಂದರೆ, ದೇವಳವನ್ನು ಎಲ್ಲಾ ದಿಕ್ಕುಗಳಿಂದಲೂ ಸುತ್ತುವರೆದಿರುವ ಅಸಾಮಾನ್ಯ ಕೆತ್ತನೆ ಕೆಲಸಗಳು ಮತ್ತು ಅದ್ಭುತವಾದ ವಾಸ್ತುಶಿಲ್ಪ ಶೈಲಿಗಳು.  

ಈ ದೇವಸ್ಥಾನವು ಹಿಂದೂಗಳ ಪರಮ ಆರಾಧ್ಯ ದೈವಗಳಲ್ಲಿ ಒಬ್ಬರಾದ ಭಗವಾನ್ ಶಿವನಿಗೆ ಅರ್ಪಿತವಾಗಿದೆ.  ಮುಕ್ತೇಶ್ವರ ಎಂಬ ಪದದ ಅರ್ಥವು "ಬಿಡುಗಡೆಯ ಒಡೆಯ" ಎಂದಾಗುತ್ತದೆ.  ಪ್ರತೀ ವರ್ಷವೂ ಕೂಡ ದೇವಸ್ಥಾನದ ವಿಶಾಲ ಪ್ರಾಂಗಣದಲ್ಲಿ 3 ದಿನಗಳ ನರ್ತನ ಹಬ್ಬವನ್ನು ಆಯೋಜಿಸಲಾಗುತ್ತದೆ.   ರಾಜ್ಯದಲ್ಲಿ ಪ್ರವಾಸೋದ್ಯಮವನ್ನು ಉತ್ತೇಜಿಸಲು ಒಡಿಶಾ ರಾಜ್ಯ ಪ್ರವಾಸೋದ್ಯಮ ಇಲಾಖೆಯು ಈ ಹಬ್ಬವನ್ನು ಪ್ರಾಯೋಜಿಸುತ್ತದೆ.  ಪ್ರವಾಸಿಗರು ಮತ್ತು ಹಿಂದೂ ಯಾತ್ರಾರ್ಥಿಗಳೀರ್ವರಿಗೂ ಈ ದೇವಸ್ಥಾನವು ಆಕರ್ಷಣೀಯವಾಗಿದೆ.