ಮ್ಯಾಕ್ ಲಿಯೋಡ್ ಗಂಜ್ ನಿಂದ 2 ಕಿ.ಮೀ ದೂರದಲ್ಲಿರುವ ಭಗ್ಸು ಜಲಪಾತ ಒಂದು ಜನಪ್ರಿಯವಾದ ಪ್ರವಾಸಿ ಆಕರ್ಷಣೆ. ನಯನ ಮನೋಹರವಾದ ಈ ಪುಟ್ಟ ಜಲಪಾತದಿಂದ ಕೇವಲ ಅರ್ಧ ಕಿ.ಮೀ ದೂರದಲ್ಲೇ ಭಗ್ಸು ದೇವಸ್ಥಾನವಿದೆ. ಈ ಜಲಪಾತದ ತಾಣಕ್ಕೆ ತಲುಪಲಿ ರಿಕ್ಷಾ ಅಥವಾ ಟ್ಯಾಕ್ಸಿಗಳು ಲಭ್ಯವಿದ್ದು, ಬೇಕೆಂದರೆ ಚಾರಣದ ಮೂಲಕವಾಗಿಯೂ ಇದನ್ನು ತಲುಪಬಹುದು.
ಮಳೆಗಾಲದ ಸಮಯದಲ್ಲಂತೂ ಈ ಪುಟ್ಟ ಜಲಪಾತವು 30 ಅಡಿಗಳ ನೀರಿನ ಗೋಡೆಯಾಗಿ ಗೋಚರಿಸುತ್ತದೆ. ಸಾಮಾನ್ಯವಾಗಿ ಈ ಜಲಪಾತಕ್ಕೆ ಭೇಟಿ ನೀಡುವವರು ಜಲಪಾತದ ಅಡಿಯಲ್ಲಿ ಶೇಖರಣೆಗೊಂಡ ನೀರಿನಲ್ಲಿ ಈಜಾಡಲು ಬಯಸುತ್ತಾರೆ.