ಬಾಂಧವಗಡ್ ನ ಹೊರವಲಯದಲ್ಲಿ ಈ ಘರ್ಪುರಿ ಅಣೆಕಟ್ಟಿದೆ. ಬಾಂಧವಗಡ್ ನ ರಾಷ್ಟ್ರೀಯ ಉದ್ಯಾನವನದಿಂದ ಸುಮಾರು 10 ಕಿ.ಮೀ. ದೂರದಲ್ಲಿ ಈ ಅಣೆಕಟ್ಟಿದೆ. ಇದರ ನಿರ್ಮಾಣಕ್ಕೆ ಅಣೆಕಟ್ಟು ಪ್ರಸಿದ್ಧಿಯನ್ನು ಪಡೆದುಕೊಂಡಿದೆ. ವಿವಿಧ ಜಾತಿಯ ನೀರಕ್ಕಿಗಳು ಅಣೆಕಟ್ಟಿನ ಸಮೀಪದಲ್ಲಿರುವುದರಿಂದ ಇದನ್ನು ವೀಕ್ಷಿಸಿವುದು ಕಣ್ಣಿಗೊಂದು ಹಬ್ಬ.
ನೀರಿರುವ ಪ್ರದೇಶಗಳಲ್ಲಿ ಇರುವಂತಹ ಕಪ್ಪು ಕಂಬರಳು, ಸಾರಸ್ ಕೊಕ್ಕರೆ, ಬೆಳ್ಳಕ್ಕಿ, ಕಪ್ಪುಬಿಳುಪಿನ ಸಿಪಿಲೆ, ಕೆಂಪು ಟಿಟ್ಟಿಭ, ಸಣ್ಣ ಸಿಪಾಯಿ ಕೊಕ್ಕರೆ, ಕೊಕ್ಕರೆ, ಕೊಳದ ಬಕ ಮತ್ತು ಸಾಮಾನ್ಯ ಹಾಗೂ ಕಪ್ಪುಬಿಳಿ ಮಿಂಚುಳ್ಳಿಗಳು ಇಲ್ಲಿ ಕಾಣಸಿಗುತ್ತದೆ. ವರ್ಷವಿಡೀ ಇಲ್ಲಿ ಪಕ್ಷಿ ಪ್ರೇಮಿಗಳು ಕಾಣಸಿಗುತ್ತಾರೆ. ತಮ್ಮ ಕ್ಯಾಮಾರಾದೊಂದಿಗೆ ಪಕ್ಷಿಗಳ ವಿವಿಧ ಭಂಗಿಯ ಫೋಟೊ ಕ್ಲಿಕ್ಕಿಸಲು ಅವರು ಕಾಯುತ್ತಾ ಕೂತಿರುತ್ತಾರೆ. ಘಾರ್ಪುರಿ ಅಣೆಕಟ್ಟು ಸುಮಾರು 20 ಕಿ.ಮೀ. ವಿಸ್ತಾರವಾಗಿದೆ. ಇದು ಜನಪ್ರಿಯ ಪಿಕ್ನಿಕ್ ಸ್ಪಾಟ್ ಕೂಡ ಆಗಿದ್ದು, ಇಲ್ಲಿಗೆ ಬರುವ ಪ್ರವಾಸಿಗರು ಸುಂದರ ಹಾಗೂ ಬಣ್ಣಬಣ್ಣದ ಪಕ್ಷಿಗಳೊಂದಿಗೆ ಬಾಂಧವಗಡ್ ನ ಸೌಂದರ್ಯವನ್ನು ಸವಿಯಬಹುದು.