ಬಖ್ಖಾಲಿ ಪಶ್ಚಿಮ ಬಂಗಾಳದ 24 ಪರ್ಗಾತನಾಸ್ ಜಿಲ್ಲೆಯ ದಕ್ಷಿಣಕ್ಕೆ ಸಮುದ್ರತೀರದ ಪ್ರಸಿದ್ಧ ರೆಸಾರ್ಟ್. ಇದು ನಗರದ ಜಂಜಡಗಳಿಂದ ದೂರವಾಗಿ ವಿಶ್ರಮಿಸಲು ಸೂಕ್ತವಾದ ಸ್ಥಳ.
ಸಮುದ್ರತೀರ ಮತ್ತು ಅವಳಿ ಪಟ್ಟಣ
ಬಖ್ಖಾಲಿ ದ್ವೀಪವು ಬಖ್ಖಾಲಿ ಮತ್ತು ಫ್ರಾಸೆರ್ಗುಂಜ್ ಎನ್ನುವ ಎರಡು ಪಟ್ಟಣಗಳ ನಡುವೆ 7 ಕಿಮೀ ಗಳವರೆಗೆ ಸಮುದ್ರ ಹೊಂದಿದೆ. ಇವು ಅವಳಿ ಪಟ್ಟಣಗಳು. ಈ ಸಮುದ್ರತೀರವು ಸೈಕ್ಲಿಂಗ್, ರನ್ನಿಂಗ್ ಮತ್ತು ಆಟೋಟಗಳಿಗೆ ತಕ್ಕುದಾದುದಾಗಿದೆ. ಇದು ರಾಜಧಾನಿ ಕೊಲ್ಕತ್ತಗೆ ಸಮೀಪದಲ್ಲಿದೆ.
ಸುತ್ತಮುತ್ತ
ಬಖ್ಖಾಲಿಯ ಪ್ರಶಾಂತತೆ ಅದರ ಏಕಾಂತತೆಯಲ್ಲಿದೆ. ಈ ದ್ವೀಪಕ್ಕೆ ಹೆಚ್ಚಿನ ಸಾರ್ವಜನಿಕ ಸಾರಿಗೆ ಸೌಲಭ್ಯವಿಲ್ಲ. ಪ್ರವಾಸಿಗರು ವ್ಯಾನ್ ರಿಕ್ಷಾವನ್ನು ಬಾಡಿಗೆಗೆ ಪಡೆಯಬೇಕಾಗುತ್ತದೆ. ವ್ಯಾನ್ ರಿಕ್ಷಾವು ಪ್ರವಾಸಿಗರನ್ನು ಪ್ರವಾಸಿ ತಾಣಗಳಾದ ಹೆನ್ರಿ ದ್ವೀಪ ಅಥವ ವಾಚ್ ಟವರ್ಗೆ ಕರೆದೊಯ್ಯುತ್ತದೆ. ಇಲ್ಲಿನ ಕಂಕ್ರು, ಪಾಮ್, ಸುಂದರಿ ಮತ್ತಿತರ ಮರಗಳ ಸೌಂದರ್ಯವನ್ನು ಸವಿಯಬಹುದು. ಈ ದ್ವೀಪದಲ್ಲಿ ಮ್ಯಾಂಗ್ರೋವ್ ಗಿಡಗಳನ್ನು ಕೂಡ ಕಾಣಬಹುದು.
ಜಂಬೂ ದ್ವೀಪದ ಪ್ರವಾಸ
ಬಖ್ಖಾಲಿ ಪ್ರವಾಸೋದ್ಯಮವು ಇಲ್ಲಿನ ನಾಡ ದೋಣಿಗಳಾದ ಭೂತ್ ಭೂತಿಯಲ್ಲಿ ಸಮೀಪದಲ್ಲಿರುವ ಜಂಬೂ ದ್ವೀಪದ ಪ್ರವಾಸವನ್ನು ಪ್ರವಾಸಿಗರಿಗಾಗಿ ರೂಪಿಸಿದೆ. ದೋಣಿಯಲ್ಲೇ ಈ ಪ್ರದೇಶವನ್ನು ಸುತ್ತಿಸಲಾಗುತ್ತದೆ. ಪ್ರವಾಸಿಗರನ್ನು ಈ ದ್ವೀಪದಲ್ಲಿ ಇಳಿಸಲಾಗುವುದಿಲ್ಲ.
ಹೋಗುವುದು ಹೇಗೆ?
ಬಖ್ಖಾಲಿಯು ಉತ್ತಮ ರಸ್ತೆ, ರೈಲು ಮತ್ತು ವಿಮಾನ ಸೌಲಭ್ಯವನ್ನು ಹೊಂದಿದೆ.