ಟಿಟೊ ಬೀದಿಯಲ್ಲಿ ಇತ್ತಿಚಿಗಷ್ಟೆ ಸೆರ್ಪಡೆಯಾಗಿರುವ ಕ್ಲಬ್ ಐವಿಯು ಸುದ್ದಿಯಲ್ಲಿರುವ ಜನಪ್ರಿಯ ಡಿಜೆಯಾದ ಪಿಯರ್ರೆಯನ್ನು ಹೊಂದಿದೆ. ಈ ಬೀದಿಯಲ್ಲಿ ಸುಂದರವಾಗಿ ಕಾಣುವಂತಹ ಈ ಕ್ಲಬ್ ನ್ನು ನೋಡಿದಾಗ, ಇದು ಸಂಗೀತಕ್ಕಾಗಿಯೇ ಸಮರ್ಪಿತವಾದ ಕ್ಲಬ್ ಎಂದು ಗೊತ್ತಾಗುವುದರಲ್ಲಿ ಅನುಮಾನವಿಲ್ಲ. ಇದಕ್ಕೆ ಯಾವುದೆ ದಿನಗಳಲ್ಲೂ ಪ್ರವೇಶ ಶುಲ್ಕವಿರುವುದಿಲ್ಲ.ಈ ಕ್ಲಬ್ ಪ್ರತಿದಿನ ರಾತ್ರಿ 8 ಘಂಟೆಗೆ ತೆರೆಯುತ್ತದೆ. ಇದರ ಹೊರಾಂಗಣದಲ್ಲಿ ಕಾಕ್ ಟೆಲ್ ಬಾರ್ ವೊಂದಿದ್ದು ಡ್ರಿಂಕ್ಸ್ ಗಳನ್ನು ಸವಿಯಬಹುದು. ಒಂದು ದಿನದ ಮಟ್ಟಿಗೆ ಗೋವಾ ಪ್ರವಾಸಕ್ಕೆ ಬಂದ ಜನಗಳಿಗೆ ಸಮಯ ಕಳೆಯಲು ಇದೊಂದು ಉತ್ತಮ ತಾಣವೆಂದರೆ ತಪ್ಪಾಗಲಾರದು. ಇಷ್ಟೆ ಅಲ್ಲ..ಡಿಜೆ ಪಿಯರ್ರೆಯ ಜನಪ್ರಿಯ R & B ಸಂಗೀತ ಮಿಶ್ರಣಗಳು, ದೊಡ್ಡ ಪರದೆಯ ಮೇಲೆ ಕ್ರಿಕೇಟ್ ಅಥವಾ ಫಾರ್ಮುಲಾ ವನ್ ಗಳನ್ನೂ ಕೂಡ ವಿಕ್ಷೀಸಬಹುದು.ಇನ್ನು ಇಲ್ಲಿಗೆ ತಲುಪಲು, ಬಾಗಾದ ಟಿಟೊ ಬೀದಿಗೆ ಬಂದರೆ ಸಾಕು, ಅಲ್ಲಿಂದ ಸುಲಭವಾಗಿ ಇದನ್ನು ಕಾಣಬಹುದು. ಜನಪ್ರಿಯ ತಂದೂರಿ ಟೇಕ್ ಅವೆ ಜಾಯಿಂಟ್ ಒಂದು ಈ ಕ್ಲಬ್ ನ ಹತ್ತಿರದಲ್ಲೆ ಇದ್ದು ನಿಮಗೇನಾದರು ಹಸಿವಿದ್ದಲ್ಲಿ ರುಚಿಕರವಾದ ತಂದೂರಿ ಖಾದ್ಯಗಳನ್ನು ಆಸ್ವಾದಿಸಬಹುದು.