ಇದೊಂದು ಉಲ್ಲಾಸಭರಿತ ಬೀಚ್. ಉತ್ತಮವಾದ ಬೀಚ್ ಶ್ಯಾಕನಿಂದ ಹಿಡಿದು ಉತ್ತಮವಾದ ಉಪಹಾರಗೃಹಗಳು, ಉತ್ತಮವಾದ ಹೊಟೆಲಗಳು, ಉತ್ತಮವಾದ ವಸತಿ ಸೌಕರ್ಯ ಮತ್ತು ನಿಜವಾದ ಜರ್ಮನ ಶೈಲಿಯ ಬೇಕರಿ.... ಏನೆ ಇರಲಿ, ಎಲ್ಲವನ್ನು ಇಲ್ಲಿ ಕಾಣಬಹುದು. ಕೇವಲ ಆಕಾರದಿಂದ ಮಾತ್ರವಷ್ಟೆ ಅಲ್ಲದೆ ಅತ್ಯದ್ಭುತ ಅನುಭವಗಳ ಭಂಡಾರದಲ್ಲೂ ದೊಡ್ಡದಾಗಿರುವ ಇಲ್ಲಿ ಅನೇಕ ಬಗೆಯ ಜಲಕ್ರೀಡೆಗಳ ಆಟಗಳನ್ನು ಆನಂದಿಸಬಹುದು. ಅನೇಕ ಸಾಹಸ ಕ್ರೀಡೆ ಆಯೋಜಕರು ತಮ್ಮಲ್ಲಿ ಟಿಕೇಟ ಕೊಂಡುಕೊಳ್ಳಲು ನಿಮ್ಮ ಹತ್ತಿರ ಹಾತೊರೆಯುತ್ತಿರುವುದನ್ನು ನೀವು ಗಮನಿಸಬಹುದು.
ಬಾಗಾ ಬೀಚವು ಪ್ಯಾರಸೇಲಿಂಗ್, ವಾಟರ್ ಬೈಕ್ ರೈಡ್ ಮತ್ತು ಬನಾನಾ ರೈಡಗಳಿಗೆ ಹೆಸರುವಾಸಿಯಾಗಿದೆ.ಜನಪ್ರೀಯವಾದ 'ಕ್ಯಾಫೆ ಬ್ರಿಟ್ಟೊಸ್'ನ್ನು ಈ ಬೀಚಿನ ಹತ್ತಿರ ಕಾಣಬಹುದಾಗಿದ್ದು, ಇಲ್ಲಿ ದೊರೆಯುವ ಅಲ್ಕೊಹೋಲ್ ಮತ್ತು ಸೀ ಫುಡಗಳು ಬಾಯಲ್ಲಿ ನೀರೂರಿಸುತ್ತವೆ. ಗೋವಾದ ವಿಶೀಷ್ಟ ಖಾದ್ಯವಾದ 'ಗೋವನ್ ಫಿಷ್ ಕಟ್ಟಿ ರೈಸ್'ನ್ನು ಇಲ್ಲಿ ಸವಿಯಬಹುದಾಗಿದ್ದು ಪ್ರವಾಸಿಗರಲ್ಲಿ ಇದು ಬಹು ಹೆಸರುವಾಸಿಯಾಗಿದೆ.'ಬ್ರಿಟ್ಟೊಸ್'ನಿಂದ ಕಡಲ ತೀರವು ಅತ್ಯಂತ ವಿಶೀಷ್ಟವಾಗಿ ಗೋಚರಿಸುತ್ತದೆ.
ಇನ್ನು ರಾತ್ರಿ ಸಮಯದಲ್ಲಂತೂ ಸಮುದ್ರದ ಏರಿಳಿತದ ಅಲೆಗಳು ಇದರ ಮುಂದೆಯೆ ಬಂದು ಹೋಗುತ್ತಿರುತ್ತಿದ್ದು ನಿಮ್ಮ ರಾತ್ರಿ ಭೋಜನವನ್ನು ಇನ್ನಷ್ಟು ಸುಮಧುರವನ್ನಾಗಿಸುತ್ತದೆ. ಬ್ರಿಟ್ಟೊಸ್ ನ ಪಕ್ಕದಲ್ಲೆ ಇರುವ ಬೇಕರಿ ಹಾಗು ಅದರ ಸುತ್ತಮುತ್ತಲಿನ ಬೀದಿಗಳು ಯುರೋಪಿಯನ ಶೈಲಿಯ ಬೀದಿಗಳನ್ನು ನೆನಪಿಸುತ್ತವೆ. ಇಲ್ಲಿ ಸಿಗುವ ಚಾಕೊಲೇಟ್ ವೆಫರ್ ಬಿಸ್ಕಟನ ಸ್ವಾದ ಸವಿದಾಗಲೇ ಅದರ ಮಹತ್ವ ತಿಳಿಯುವುದು.
ಬಾಗಾದಲ್ಲಿ ಯಾವಾಗಲೂ ಸಂಗೀತಮಯ ಸಂಜೆಗಳನ್ನು ಕಾಣಬಹುದು ಮತ್ತು ಥರ ಥರದ ಹುಕ್ಕಾಗಳ ಆನಂದವನ್ನೂ ಪಡೆಯಬಹುದು. ಗೋವಾದ ಇತರ ಭಾಗಗಳಿಂದ ಇಲ್ಲಿಗೆ ತಲುಪಲು ಸಾಕಷ್ಟು ಬಸ್ಸುಗಳು ಲಭ್ಯವಿದ್ದು, ಬೇಕಾದರೆ ಕ್ಯಾಬಗಳ ಸೇವೆಯನ್ನೂ ಪಡೆಯಬಹುದು.ಗೋವಾದ ಪ್ರಸಿದ್ಧ ನೈಟ ಕ್ಲಬ್ಬುಗಳಲ್ಲಿ 'ಕ್ಲಬ್ ಮಾಂಬೋಸ್' ಕೂಡ ಒಂದಾಗಿದ್ದು ಬಾಗಾ ತೀರದಿಂದ ಕಾಲ್ನಡಿಗೆಯ ದೂರದಷ್ಟು ಅಂತರದಲ್ಲಿದೆ.
ಇನ್ನು ಬಾಗಾ ತೀರವನ್ನು ಕಾಲ್ನಡಿಗೆಯಲ್ಲೆ ಅನ್ವೇಶಿಸುವುದು ತುಂಬಾ ಉತ್ತಮ, ಏಕೆಂದರೆ ಇದೊಂದು ವಿಸ್ಮಯತೆಗಳ ತಾಣವಾಗಿದ್ದು ಪ್ರತಿ ಹಂತದಲ್ಲಿ ಪ್ರತಿಯೊಂದು ಕ್ಷಣಗಳನ್ನು ಸೂಕ್ಷ್ಮತೆಯಿಂದ ಆಸ್ವಾದಿಸಬಹುದು. ನೀವೇನಾದರು ಪಂಜೀಮನಲ್ಲಿದ್ದರೆ ಅಲ್ಲಿ ಲಭ್ಯವಿರುವ ಬಸ್ಸುಗಳ ಮೂಲಕ ನೇರವಾಗಿ ಬಾಗಾ ತೀರಕ್ಕೆ ತಲುಪಬಹುದಾಗಿದೆ.