ಕನ್ನೌಟ್ ಎಂಬುದು ಔರಂಗಬಾದಿನ ವ್ಯಾಪಾರ ವಹಿವಾಟುಗಳ ಸ್ವರ್ಗವೆಂದು ಕರೆಯಲ್ಪಡುವ ಸ್ಥಳ. ಕೊಳ್ಳುವ ಮನೋಭಾವವನ್ನು ಹೊಂದಿರುವ ಗ್ರಾಹಕರಿಗೆ ಇಲ್ಲಿ ಅತಿ ದೊಡ್ಡ ಶ್ರೇಣಿಯ ಉತ್ಪನ್ನಗಳು ದೊರೆಯುತ್ತವೆ. ಈ ಸ್ಥಳವು ಕಮ್ ಖಾಬ್, ಬಂಗಾರ ಮತ್ತು ಬೆಳ್ಳಿಯ ದಾರಗಳ ಮಿಶ್ರಣವನ್ನು ಹತ್ತಿಯೊಂದಿಗೆ ಬೆರೆಸಿ ಮಾಡಿದ ಹಿಮ್ರೂ ಶಾಲುಗಳು ಮತ್ತು ಸೀರೆಗಳನ್ನು ಹೊಂದಿದೆ. ಈ ಉತ್ಪನ್ನಗಳು ಈ ಮಾರುಕಟ್ಟೆ ಪ್ರದೇಶದಲ್ಲಿನ ಹಲವು ವ್ಯಾಪಾರಿ ಮಳಿಗೆಗಳಲ್ಲಿ ದೊರೆಯುತ್ತವೆ.
ಔರಂಗಬಾದಿನ ಕೊಳ್ಳುವವರ ಸ್ವರ್ಗವೆಂದು ಪರಿಗಣಿಸಲ್ಪಟ್ಟ ಕನ್ನೌಟ್ ನಿಮಗಾಗಿ ವಿವಿಧಬಗೆಯ ಕಸೂತಿ ಮಾಡಿದ ವಸ್ತ್ರಗಳನ್ನು ಕೊಡುಗೆಯಾಗಿ ನೀಡುತ್ತದೆ. ಇದರ ವಿಶೇಷತೆಯೆಂದರೆ ಈ ವಸ್ತ್ರಗಳು ಅಜಂತಾ ಮತ್ತು ಎಲ್ಲೋರ ಗುಹೆಗಳಿಂದ ಸ್ಫೂರ್ತಿ ಪಡೆದಿವೆ. ಅದನ್ನು ಈ ಸೀರೆಯ ಅಂಚುಗಳಲ್ಲಿ ನಾವು ಕಾಣಬಹುದು. ಸಾಂಪ್ರದಾಯಿಕ ಪದ್ದತಿಯನ್ನು ಬಳಸಿದ ಸಂಮಿಶ್ರಿತವಾದ ಪೈಥಾನ್ ಸೀರೆಗಳನ್ನು ಇಲ್ಲಿ ನೇಯಲಾಗುತ್ತದೆ.