ಔಲಿಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಸ್ಕೀಯಿಂಗ್ ಜೊತೆಗೆ ಟ್ರೆಕ್ಕಿಂಗ್ ಕೂಡ ಪ್ರಮುಖವಾದ ಆಕರ್ಷಣೆಯಾಗಿದೆ. ವಿಸ್ತಾರವಾದ ಹಿಮಾಲಯದ ಬೆಟ್ಟಗಳ ಪ್ರದೇಶದಲ್ಲಿ ಟ್ರೆಕ್ಕಿಂಗ್ ಮಾಡುವವರಿಗೆ ಕಣಿವೆ ಪ್ರದೇಶಗಳೇ ಹೆಚ್ಚಾಗಿ ಕಂಡುಬರುತ್ತದೆ. ಇಲ್ಲಿ ಸುಮಾರು 3 ಕಿ.ಮೀ. ಉದ್ದದ ಟ್ರೆಕ್ಕಿಂಗ್ ಮಾರ್ಗವಿದ್ದು ಟ್ರೆಕ್ಕಿಂಗ್ ಮಾಡುವವರು ಸುಂದರವಾದ ನೈಸರ್ಗಿಕ ಸೌಂದರ್ಯವನ್ನು ಕಾಣಬಹುದು. ಟ್ರೆಕ್ಕಿಂಗ್ ಮಾರ್ಗವು ಸಮುದ್ರ ಮಟ್ಟದಿಂದ ಸುಮಾರು 219 ಮೀಟರ್ ಎತ್ತರದಿಂದ 3049 ಮೀ.ವರೆಗೂ ಇದೆ. ಈ ಮಾರ್ಗದಲ್ಲಿ ಟ್ರೆಕ್ಕಿಂಗ್ ಹೋಗುವಾಗ ನಂದಾ ದೇವಿ, ಕಮೆಟ್, ಮನ ಪರ್ವತ್ ಹಾಗೂ ದುನಗಿರಿಯನ್ನು ಕಾಣಬಹುದು.

ಔಲಿಯಿಂದ ಜೋಶಿಮಠದವರೆಗೆ ಟ್ರೆಕ್ಕಿಂಗ್ ಮಾಡಲು ಗೊತ್ತು ಮಾಡಿರುವ ಮಾರ್ಗವು ಅತ್ಯಂತ ಜನಪ್ರಿಯ ಟ್ರೆಕ್ಕಿಂಗ್ ಮಾರ್ಗವಾಗಿದೆ. ಈ ಮಾರ್ಗವಾಗಿ ಟ್ರೆಕ್ಕಿಂಗ್ ಮಾಡುವ ಸಂದರ್ಭದಲ್ಲಿ ಪ್ರವಾಸಿಗರು ನಂದಾ ದೇವಿಯಿಂದ ಅತ್ಯಂತ ಮನಮೋಹಕವಾದ ಸೂರ್ಯೋದಯವನ್ನು ಕಾಣಬಹುದು. ಇತರ ಟ್ರೆಕ್ಕಿಂಗ್ ಮಾರ್ಗಗಳು ಔಲಿಯಿಂದ-ಗೋರ್ಸನ್, ತಾಲಿ, ಕುವಾರಿ ಪಾಸ್, ಕುಲಾರ ಹಾಗೂ ತಪೋವನ.