ಗೋವಾದ ಉತ್ತರಕ್ಕೆ ಕಲಂಗುಟ ಮತ್ತು ಬಾಗಾ ತೀರಗಳನ್ನು ದಾಟಿ ಸ್ವಲ್ಪ ಮುಂದೆ ಹೋದರೆ ಸಿಗುವುದೇ ಅರಂಬೋಲ ಕಡಲ ತೀರ ಅಥವಾ ಬೀಚ್. ಸದ್ದು ಗದ್ದಲಿನಿಂದ ಅತ್ಯಂತ ದೂರವಿರುವ ಈ ಕಡಲ ತೀರದಲ್ಲಿ ಶಾಂತತೆಯು ಹಾಸು ಹೊಕ್ಕಾಗಿದ್ದು ಕೇವಲ ಬೆರಳೆಣಿಕೆಯಷ್ಟು ಮಾತ್ರ ಹೊಟೆಲಗಳನ್ನು ಕಾಣಬಹುದು. ಈ ಮನೋಹರವಾದ ಕಡಲ ತೀರದ ಪಕ್ಕದಲ್ಲಿ ಒಂದು ಸುಂದರವಾದ ಶುದ್ಧ ನೀರಿನ ಸರೋವರವನ್ನೂ ಕೂಡ ಕಾಣಬಹುದು. ಪರಿಶುದ್ಧವಾದ ಗಾಳಿಯನ್ನು ಸೇವಿಸುತ್ತ, ಆರಾಮವಾಗಿ ಕಾಲ ಕಳೆಯುವ ತಾಣವಿದು.
ಈ ಬೀಚವು ಅಂಜುನಾ ಮತ್ತು ಮಾಪುಸಾ ಬೀಚಗೆ ಸ್ವಲ್ಪ ಹತ್ತಿರದಲ್ಲಿದೆ. ಇನ್ನು ಈ ಬೀಚಿನ ಸನೀಹದಲ್ಲಿರುವ ಹಸಿರಿನ ಗದ್ದೆಗಳಲ್ಲಿ ಜನಪ್ರೀಯ ಕಲಾಕೃತಿಯೊಂದಿದ್ದು ಅದನ್ನು 'ಮನಿ ಸ್ಟೋನ್' ಎಂದು ಕರೆಯಲಾಗುತ್ತದೆ. ಇತ್ತಿಚೆಗೆ ಇದು ಪ್ರವಾಸಿಗರ ನಡುವೆ ಅತ್ಯಂತ ಹೆಸರುವಾಸಿಯಾಗಿದೆ. ಅರಂಬೋಲ ಕಡಲ ತೀರವು ಶಾಂತಿ ಪ್ರೀಯರು ಹಾಗು ನಿಸರ್ಗ ಪ್ರೀಯರಿಗೆ ಹೇಳಿ ಮಾಡಿಸಿದಂತಹ ತಾಣವಾಗಿದೆ.
ಮಾಪುಸಾದಿಂದ ಪಂಜೀಮಗೆ ಹೋಗುವ ಬಸ್ಸಿನ ಮುಖಾಂತರ ಇದನ್ನು ತಲುಪಬಹುದಾಗಿದ್ದು, ಬೇಕಾದರೆ ಕ್ಯಾಬ್ ಅಥವಾ ರಿಕ್ಷಾಗಳ ಸೇವೆಯನ್ನು ಪಡೆಯಬಹುದು ಆದರೆ ಅವರು ಪಡೆದುಕೊಳ್ಳುವ ದುಡ್ಡಿನ ಬಗ್ಗೆ ಎಚ್ಚರವಹಿಸಿದರೆ ಉತ್ತಮ.