ಬೊರ್ರ ಗುಹೆಗಳು ಅಥವಾ ಸ್ಥಳೀಯ ಭಾಷೆಯಲ್ಲಿ ಬೊರ್ರ ಗುಹಾಲು ಎಂಬುದು ಭಾರತದ ಪೂರ್ವ ಘಟ್ಟದಲ್ಲಿರುವ ಅನಂತಗಿರಿ ಬೆಟ್ಟಗಳ ಒಂದು ಭಾಗವಾಗಿವೆ. ಈ ಗುಹೆಗಳನ್ನು ಭಾರತ ಅತಿದೊಡ್ಡ ಗುಹೆಗಳ ಪೈಕಿ ಒಂದೆಂದು ಪರಿಗಣಿಸಲಾಗಿದೆ. ಅಲ್ಲದೆ ಇವು ಸಮುದ್ರ ಮಟ್ಟದಿಂದ 2,313 ಅಡಿ ಎತ್ತರದಲ್ಲಿ ನೆಲೆಗೊಂಡಿವೆ.
ಈ ಗುಹೆಗಳು ಸ್ಪೆಲಿಯೊಥೆಮ್ಸ್ ಗಳಿಗೆ ಒಂದು ಅದ್ಭುತವಾದ ಉದಾಹರಣೆಯಾಗಿ ನಿಲ್ಲುತ್ತವೆ. (ಸ್ಪೆಲಿಯೊಥೆಮ್ಸ್ ಎಂದರೆ ಗುಹೆಗಳ ಒಳಗೆ ಹುತ್ತದಂತೆ ಎದ್ದಿರುವ ಶಿಲಾ ರಚನೆಗಳು. ಇದರಲ್ಲಿನ ಎರಡನೆ ಪದರವು ಖನಿಜಗಳಿಂದ ಕೂಡಿದ್ದು, ಸಾಮಾನ್ಯವಾಗಿ ಸುಣ್ಣದ ಕಲ್ಲಿನಿಂದ ನಿರ್ಮಾಣಗೊಂಡಿರುತ್ತದೆ.) ಇವು ದೊಡ್ಡ ಮತ್ತು ಸಣ್ಣ ಪ್ರಮಾಣದಲ್ಲಿರುತ್ತವೆ. ಈ ಗುಹೆಯಲ್ಲಿ ಇಂತಹ ಸ್ಪೆಲಿಯೊಥೆಮ್ಸ್ ಗಳು ಹಲವಾರು ಇವೆ. ಬೊರ್ರ ಗುಹೆಗಳು ಕರ್ಸ್ಟಿಕ್ ಸುಣ್ಣದ ಕಲ್ಲಿನಿಂದ ನಿರ್ಮಾಣಗೊಂಡಿದ್ದು, 80 ಅಡಿ ಆಳವಿದೆ. ಈ ಕಾರಣದಿಂದಾಗಿ ಈ ಗುಹೆಗಳು ದೇಶದ ಅತ್ಯಂತ ಆಳವಾದ ಗುಹೆಗಳಾಗಿ ಖ್ಯಾತಿ ಪಡೆದಿವೆ.
1807 ರಲ್ಲಿ ಭಾರತದ ಭೂ ಸರ್ವೇಕ್ಷಣಾ ವಿಭಾಗದ ವಿಲಿಯಂ ಕಿಂಗ್ ಜಾರ್ಜ್ ಆಕಸ್ಮಿಕವಾಗಿ ಈ ಗುಹೆಗಳಿಗೆ ಭೇಟಿಕೊಟ್ಟನು. ಆಗಿಂದೀಚೆಗೆ ಈ ಗುಹೆಗಳು ಪ್ರಸಿದ್ಧ ಪ್ರವಾಸಿ ಆಕರ್ಷಣೆಗಳಾಗಿ ರೂಪುಗೊಂಡವು.