ಪೊತ್ತಿಗೈ ಬೆಟ್ಟಗಳ ತಪ್ಪಲಿನಲ್ಲಿ ತಮಿರಂಬರಣಿ ನದಿಗೆ ಅಡ್ಡಲಾಗಿ ಕಟ್ಟಲಾಗಿರುವ ಈ ಅಣೆಕಟ್ಟು ಸಹಾ ಪ್ರೇಕ್ಷಣೀಯ ಸ್ಥಳವಾಗಿದೆ. ಅತಿ ವಿಸ್ತಾರದಲ್ಲಿ ಹರಡಿರುವ ಹಿನ್ನೀರು ನಡು ನಡುವೆ ದ್ವೀಪಗಳನ್ನು ಸೃಷ್ಟಿಸಿದ್ದು ಸುಂದರ ದೃಶ್ಯ್ವವನ್ನು ಸೃಷ್ಟಿಸಿದೆ.  ಹಿನ್ನೀರಿನಲ್ಲಿ ದೋಣಿವಿಹಾರದ ವ್ಯವಸ್ಥೆಯೂ ಲಭ್ಯವಿದೆ. ಇಲ್ಲಿಂದ ಸುಮಾರು ನಾಲ್ಕು ಕಿ.ಮೀ ದೂರದಲ್ಲಿ ಮಣಿಮುತ್ತಾರ್ ಜಲಪಾತವಿದೆ. ಸುಂದರ ಪ್ರಕೃತಿಯ ಹಿನ್ನೆಲೆಯ ಈ ಜಲಪಾತವೂ ಪ್ರೇಕ್ಷಣೀಯ ಸ್ಥಳವಾಗಿದೆ. ಹೆಚ್ಚೇನೂ ಎತ್ತರವಿರದ ಈ ಜಲಪಾತದ ಧಾರೆಗೆ ಮೈಯೊಡ್ಡಿ ಸ್ನಾನ ಮಾಡುವುದು ವಿಭಿನ್ನ ಅನುಭವ ನೀಡುತ್ತದೆ.