ಬಲರಾಮ್ ಅಂಬಾಜಿ ವನ್ಯಜೀವಿ ಅಭಯಾರಣ್ಯವು ಗುಜರಾತ್ ರಾಜ್ಯದ ಬನಸ್ಕಂಥ ಜಿಲ್ಲೆಯಲ್ಲಿದೆ.  ಈ ಸ್ಥಳದಲ್ಲಿ ಒಂದಕ್ಕೊಂದು ವಿರುದ್ಧ ಮೂಲೆಗಳಲ್ಲಿರುವ ಬಲರಾಮ್ ಮತ್ತು ಅಂಬಾಜಿಗಳೆಂಬ ಎರಡು ದೇವಸ್ಥಾನಗಳ ಕಾರಣದಿಂದ ಈ ಅಭಯಾರಣ್ಯವು ಈ ಹೆಸರನ್ನು ಪಡೆದುಕೊಂಡಿದೆ.  ಆಗಸ್ಟ್ 7 ರ 1989 ರಲ್ಲಿ ವನ್ಯಜೀವಿಗಳನ್ನು ಮತ್ತು ಅವುಗಳ ಪರಿಸರವನ್ನು ಸಂರಕ್ಷಿಸಿ ಅಭಿವೃದ್ಧಿ ಪಡಿಸುವ ದೃಷ್ಟಿಯಿಂದ, ಈ ಅಭಯಾರಣ್ಯವು ಗುಜರಾತ್ ಸರಕಾರದಿಂದ ಸ್ಥಾಪಿಸಲ್ಪಟ್ಟಿತು.

ಈ ಅಭಯಾರಣ್ಯವು ಕೆಲವೊಂದು ಅಪರೂಪದ ಪ್ರಾಣಿಗಳು ಮತ್ತು ಪಕ್ಷಿಗಳ ದೊಡ್ಡ ಸಂಗ್ರಹವನ್ನೇ ಹೊಂದಿದ್ದು, ಅವುಗಳ ಪೈಕಿ, ಸ್ಲಾಥ್ ಬೇರ್ (ಒಂದು ಜಾತಿಯ ಕರಡಿ), ಮುಳ್ಳುಹಂದಿ, ಪಟ್ಟೆಗಳುಳ್ಳ ಹೈನಾ, ಬ್ಲೂ ಬುಲ್, ನರಿ, ಭಾರತೀಯ ಸಿವೆಟ್, ಭಾರತೀಯ ಪಾಂಗೊಲಿನ್ ಮುಂತಾದವು ಸೇರಿಕೊಂಡಿವೆ.  ಈ ಪ್ರದೇಶವು ಕಡಾಯಾ, ಗುಗಾಲ್, ಮತ್ತು ಮುಸಲಿಯಂತಹ ಅನೇಕ ವೈವಿಧ್ಯಮಯ ಔಷಧೀಯ ಸಸ್ಯಗಳನ್ನೂ ಕೂಡ ಹೊಂದಿದೆ.