ನಲ್ದೇಶ್ವರವು ಅಲ್ವಾರ ನಗರದ ದಕ್ಷಿಣಕ್ಕೆ 24 ಕಿ.ಮೀ ದೂರದಲ್ಲಿದೆ. ಈ ಸುಂದರ ಹಳ್ಳಿಯು ಇಲ್ಲಿರುವ ಮಹದೇವ ದೇವಸ್ಥಾನದಿಂದಾಗಿ ಜನಪ್ರಿಯವಾಗಿದೆ. ಈ ಹಳ್ಳಿಯು ದಟ್ಟ ಹಸಿರಿನಿಂದ ಆವೃತ್ತವಾಗಿದೆ. ಈ ದೇವಸ್ಥಾನವು ನೈಸರ್ಗಿಕ ಶಿವಲಿಂಗವನ್ನು ಹೊಂದಿದೆ. ಇದರಿಂದಾಗಿ ಇಲ್ಲಿ ವರ್ಷಂಪ್ರತಿ ಅಪಾರ ಪ್ರಮಾಣದ ಭಕ್ತರು ಹರಿದುಬರುತ್ತಾರೆ. ಪ್ರವಾಸಿಗರು ಇಲ್ಲಿ ಎರಡು ಕೊಳಗಳನ್ನೂ ಕೂಡಾ ನೋಡಬಹುದು, ಈ ಕೊಳಗಳು ಗುಡ್ಡದಿಂದ ಇಳಿದು ಬಂದ ನೀರನ್ನು ಸಂಗ್ರಹಿಸಿ, ಹೀರಿಕೊಳ್ಳುತ್ತವೆ. ಮೊದಲ ಮಳೆಯ ನಂತರದಲ್ಲಿ ಈ ಪ್ರದೇಶದ ಕಳೆ ಇನ್ನಷ್ಟು ಹೆಚ್ಚುತ್ತದೆ.