ಅಲಹಾಬಾದ್ ನಲ್ಲಿರುವ ಎರಡು ಶಕ್ತಿ ಪೀಠಗಳಲ್ಲಿ ಲಲಿತಾದೇವಿ ಮಂದಿರವು ಒಂದು. ಹಿಂದೂಗಳ ದಂತಕಥೆಯ ಪ್ರಕಾರ, ಸತಿಯ ಬೆರಳುಗಳು ಯಮುನಾ ನದಿಯ ತೀರದಲ್ಲಿ ಬಿದ್ದ ಮೇಲೆ ಭಗವತಿ ಲಲಿತಾದೇವಿ ಪ್ರತ್ಯಕ್ಷಳಾದಳು. ಅನೇಕ ವರ್ಷಗಳಿಂದ ಸಾಕಷ್ಟು ಬಾರಿ ಈ ಮಂದಿರವು ಜೀರ್ಣೋದ್ಧಾರಕ್ಕೆ ಒಳಪಟ್ಟಿದೆ. ಕಳೆದ ಬಾರಿ ಜೀರ್ಣೋದ್ಧಾರವಾದದ್ದು 1987ನೇ ಇಸ್ವಿಯಲ್ಲಿ.
103 ಅಡಿ ಎತ್ತರವುಳ್ಳ ಈ ಮಂದಿರಕ್ಕೆ 41 ಅಡಿ ಎತ್ತರದ ಮುಖ್ಯದ್ವಾರವಿದೆ. ವರ್ಷವಿಡೀ ಈ ಮಂದಿರವು ಭಕ್ತಾದಿಗಳನ್ನು ಆಕರ್ಷಿಸಿದರೂ ನವರಾತ್ರಿಯ ಸಂದರ್ಭದಲ್ಲಿ ಭೇಟಿ ಕೊಡುವ ಭಕ್ತರ ಸಂಖ್ಯೆ ಹೆಚ್ಚಾಗಿರುತ್ತದೆ. ಈ ಸಂದರ್ಭದಲ್ಲಿ ಒಂಬತ್ತೂ ದೇವತೆಗಳಿಗೆ ವಿಶೇಷವಾದ ಅಲಂಕಾರ ಪೂಜೆಗಳು ನಡೆಯುತ್ತವೆ.