ಅಲ್ಚಿ ಬೌದ್ಧ ಮಠದ ಮಂಜುಶ್ರಿ ದೇವಾಲಯವು ಜಂಪೆ ಲಾ-ಖಾಂಗ್ ಎಂತಲೂ ಪ್ರಸಿದ್ಧವಾಗಿದ್ದು, ಅಲ್ಚಿಯ ಲೊತ್ಸಾವಾ ಲಾ-ಖಾಂಗ್ ಗೆ ಹತ್ತಿರದಲ್ಲಿದೆ. ಈ ದೇವಾಲಯವು 12 ನೇ ಶತಮಾನದ ಇತಿಹಾಸವನ್ನು ಹೊಂದಿದೆ. ಈ ದೇವಾಲಯವು ಚೌಕಾಕಾರದಲ್ಲಿ ನಿರ್ಮಿತವಾಗಿದ್ದು ಇಂದ್ರೀಯಾತೀತ ಜ್ಞಾನದ ಪ್ರತೀಕವಾದ ಮಂಜುಶ್ರಿ ಬೋಧಿಸತ್ವರ ನಾಲ್ಕು ವಿಗ್ರಹಗಳನ್ನು ಒಳಗೊಂಡಿದೆ. ಎಲ್ಲ ವಿಗ್ರಹಗಳಲ್ಲೂ ಮಂಜುಶ್ರಿಯ ಒಂದು ಮುಖ ಹಾಗು ನಾಲ್ಕು ಕೈಗಳನ್ನು ಕಾಣಬಹುದು.
ಪ್ರತಿಯೊಂದು ವಿಗ್ರಹಗಳು ಸಿಂಹದ ಮೇಲೆ ಆಸೀನವಾಗಿದ್ದು, ನಾಲ್ಕು ಕೈಗಳಲ್ಲಿ ಬಿಲ್ಲು, ಬಾಣ, ಪುಸ್ತಕ ಮತ್ತು ಖಡ್ಗಗಳನ್ನು ಹಿಡಿದಿರುವುದು ಗೋಚರಿಸುತ್ತದೆ. 'ಏಳು ಆಭರಣಗಳು' ಮತ್ತು 'ಎಂಟು ಅನುಮಾನದ ಚಿಹ್ನೆಗಳನ್ನು' ಆಸನದ ಕೆಳಗೆ ಬಿಂಬಿಸಲಾಗಿದೆ. ವಿಗ್ರಹವು ಕಿರೀಟ ಹಾಗು ಆಭರಣಗಳಿಂದ ಅಲಂಕೃತವಾಗಿದೆ.
ಗೋಡೆಗಳ ಮೇಲೆ ಬುದ್ಧನ ಚಿತ್ರಗಳನ್ನು ನೋಡಬಹುದಾಗಿದ್ದು, ದೇವಾಲಯದ ಕೇಂದ್ರ ಗೋಡೆಯ ಮೇಲೆ ಮುಖ್ಯ ದೇವತೆ ಮಂಜುಶ್ರಿಯ ಚಿತ್ರವನ್ನು ಕಾಣಬಹುದು. ದೇವಾಲಯದ ಬದಿಯ ಗೋಡೆಗಳ ಬಲಭಾಗದಲ್ಲಿ ಅಮಿತಾಭ ಅಥವಾ ಅನಂತ ಪ್ರಕಾಶದ ಬುದ್ಧನ ಚಿತ್ರಗಳನ್ನು ನೋಡಬಹುದಾಗಿದ್ದು, ಎಡಭಾಗದಲ್ಲಿ ಅಕ್ಷೋಭ್ಯನ ಚಿತ್ರಗಳನ್ನು ಕಾಣಬಹುದಾಗಿದೆ.