ಚಳಿಗಾಲದಲ್ಲಿ ಮಧ್ಯ ಯೂರೋಪ್ ದೇಶಗಳಿಂದ ಆಹಾರ ಮತ್ತು ಬೆಚ್ಚನೆಯ ವಾತಾವರಣವನ್ನು ಹರಸಿ ಇಲ್ಲಿಗೆ ಪಕ್ಷಿಗಳು ವಲಸೆ ಬರುತ್ತವೆ. ಇವುಗಳಲ್ಲಿ ಕಂದು ಮತ್ತು ಬಿಳಿಯ ವೇಡಿಂಗ್ ಪಕ್ಷಿಗಳು, ಕಪ್ಪು ಬಾಲದ ಗಾಡ್ವಿಟ್, ಸ್ಟಿಂಟ್ಗಳು, ಪ್ಲೊವರ್ಸ್ ಮತ್ತು ಸ್ಯಾಂಡ್ ಪೈಪರ್ ಪಕ್ಷಿಗಳನ್ನು ನಾವು ಕಾಣಬಹುದು. ಈ ಪಕ್ಷಿಗಳು ಇಲ್ಲಿನ ಕೆರೆ ಮತ್ತು ಸುತ್ತಲ ಜೌಗು ಪ್ರದೇಶದಲ್ಲಿ ಸ್ವಚ್ಚಂದವಾಗಿ ವಿಹರಿಸಿಕೊಂಡು ಇರುವುದನ್ನು ನಾವು ಕಾಣಬಹುದು.
ಈ ಪ್ರದೇಶವು ಅಸಂಖ್ಯಾತ ಕೀಟಗಳಿಗೆ, ಜೊಂಡು ಮತ್ತು ಇನ್ನಿತರ ಜಲ ಸಸ್ಯಗಳಿಗು ಸಹ ಆಶ್ರಯವನ್ನೊದಗಿಸಿದೆ. ಈ ಗಿಡಗಳು ಪಕ್ಷಿಗಳಿಗೆ ನೆಲೆಯನ್ನು ಒದಗಿಸುತ್ತವೆ. ನವೆಂಬರ್ ನಿಂದ ಫೆಬ್ರವರಿ ತಿಂಗಳಿನವರೆಗೆ ಇಲ್ಲಿ ಮೀನುಗಳ ಸಂಖ್ಯೆಯು ಅಧಿಕವಾಗಿರುತ್ತದೆ. ಹಾಗಾಗಿ ಇದು ಜಲಾವಲಂಬಿ ಪಕ್ಷಿಗಳನ್ನು ಇತ್ತ ಬರುವಂತೆ ಆಕರ್ಷಿಸುತ್ತಿದೆ. 1969ರಲ್ಲಿ ಈ ಕೆರೆಯನ್ನು ಮತ್ತು ಅದರ ಸುತ್ತಲಿನ 120 ಚ,ಕಿ,ಮೀ ವಿಸ್ತೀರ್ಣದ ಸ್ಥಳವನ್ನು ಪಕ್ಷಿಧಾಮವೆಂದು ಘೋಷಿಸಲಾಯಿತು.