ದಾದಾ ಹರಿರ್ ವಾವ್ ಎಂಬುದು ಒಂದು ಮೆಟ್ಟಿಲುಗಳಿರುವ ಬಾವಿಯಾಗಿದ್ದು, ಅಹಮದಾಬಾದ್‍ಗೆ ಸಮೀಪದಲ್ಲಿರುವ ಅಸರ್ವದಲ್ಲಿ ನೆಲೆಗೊಂಡಿದೆ. ದಾದಾ ಹರಿರ್ ವಾವ್ ಎಂಬುದು ಒಂದು ಸುಂದರವಾದ ಮೆಟ್ಟಿಲುಗಳಿರುವ ಬಾವಿಯಾಗಿದ್ದು, ಸುಮಾರು 500 ವರ್ಷಗಳ ಹಿಂದೆ ನಿರ್ಮಾಣ ಮಾಡಲಾಗಿದೆ. ಸುಲ್ತಾನ್ ಬೈ ಹರಿರ್ ರವರ ಕಾಲದಲ್ಲಿ ಈ ಬಾವಿಗೆ ಎರಡು ಸ್ತಂಭಗಳ ಆಧಾರವನ್ನು ಸಹ ನೀಡಲಾಗಿತ್ತು. ಇದರಲ್ಲಿರುವ ಸುಂದರವಾದ ಕೆತ್ತನೆಗಳು ನೋಡುಗರನ್ನು ಮೋಡಿ ಮಾಡುತ್ತವೆ.

ಸಂಸ್ಕೃತ ಮತ್ತು ಅರಾಬಿಕ್‍ನಲ್ಲಿ ಭಾಷೆಯಲ್ಲಿರುವ ಕೆತ್ತನೆಗಳನ್ನು ನಾವಿಲ್ಲಿ ಕಾಣಬಹುದು. ಈ ಬಾವಿಯು ಇತರ ಬಾವಿಗಳಂತಲ್ಲದೆ, ಬೇಸಿಗೆಯ ಅವಧಿಯಲ್ಲಿ ಇಡೀ ನಗರಕ್ಕೆ ನೀರನ್ನು ಪೂರೈಸುವ ಸಾಮಾರ್ಥ್ಯವನ್ನು ಹೊಂದಿತ್ತು. ಮುಂಜಾನೆ ಸೂರ್ಯೋದಯದ ನಂತರ ಬೆಳಕು ಚೆನ್ನಾಗಿ ಬೀಳುವ ಸಂದರ್ಭವು ಈ ಬಾವಿಗೆ ಭೇಟಿ ನೀಡಲು ಅತ್ಯುತ್ತಮ ಕಾಲವಾಗಿದೆ.  ಆಗ ಬೆಳಕು ಬಾವಿಯ ತಳಭಾಗದವರೆಗು ತಲುಪಿರುವುದರಿಂದ ಯಾವುದೇ ಅಡಚಣೆಯಿಲ್ಲದೆ ನಾವು ನೋಡಬಹುದು.