ತ್ರಿಪುರಾದ ರಾಜ ಕುಟುಂಬಕ್ಕೆ ಸೇರಿದ ಮೊದಲಿನ ನಿವಾಸ ನೀರ್ಮಹಲ್ ತ್ರಿಪುರದ ಅತ್ಯಂತ ಸುಂದರ ಸ್ಥಳಗಳ ನಡುವೆ ಒಂದೆನಿಸಿದೆ. ಇದು ರುದ್ರಸಾಗರ ಸರೋವರದ ಮಧ್ಯದಲ್ಲಿ 6 ಚದರ ಕಿ.ಮೀ ನೀರಿನ ಮಧ್ಯದಲ್ಲಿ ನಿರ್ಮಿಸಿದ ಅರಮನೆ. ಇದು ಸುಂದರವಾದ ಅರಮನೆ ಮಾತ್ರವಲ್ಲ, ಅದಕ್ಕಿಂತ ಹೆಚ್ಚಾಗಿ ಎಂಜಿನಿಯರಿಂಗ್ ಶ್ರೇಷ್ಠತೆ ಎಂದು ಪರಿಗಣಿಸಲ್ಪಟ್ಟಿದೆ. ನೀರ್ಮಹಲ್ ಅರಮನೆಯ ಅಕ್ಷರಶಃ ಅರ್ಥ ನೀರಿನ ಅರಮನೆ ಎಂಬುದು. ರಾಜ ಬೀರ್ ಬಿಕ್ರಮ್ ಕಿಶೋರ್ ದೆಬ್ರಮ್ ನಿಂದ 1930 ರಲ್ಲಿ ನಿರ್ಮಿಸಲಾಯಿತು.
ಅರಮನೆಯ ವಿನ್ಯಾಸ ಹಿಂದೂ ಮತ್ತು ಇಸ್ಲಾಮಿಕ್ ಎರಡೂ ವಿನ್ಯಾಸವನ್ನು ಹೋಲುತ್ತದೆ ಮತ್ತು ಸಂಪೂರ್ಣವಾಗಿ ಮರಳುಗಲ್ಲು ಮತ್ತು ಅಮೃತಶಿಲೆಯಿಂದ ನಿರ್ಮಿಸಲಾಗಿದೆ. ಅರಮನೆಯ ವಿನ್ಯಾಸದ ಸೌಂದರ್ಯವನ್ನು ಹೆಚ್ಚಿಸುವ ಹಲವಾರು ಗೋಪುರಗಳು, ಬಾಲ್ಕನಿಗಳು, ಸೇತುವೆಗಳು ಮತ್ತು ಉದ್ಯಾನಗೃಹಗಳನ್ನು ಕಾಣಬಹುದು. ನೀರಿನ ನಡುವೆ ನಿರ್ಮಿಸಲಾಗಿದ್ದರೂ ಅರಮನೆಯ ತೋಟಗಳು ವರ್ಣರಂಜಿತ ಹೂವುಗಳನ್ನು ಬಿಡುವ ಹೇರಳವಾದ ಹಸಿರಿನಿಂದ ವರ್ಷವಿಡೀ ಕಂಗೊಳಿಸುತ್ತದೆ.
ಅಗರ್ತಲಾ ಹತ್ತಿರದಲ್ಲಿರುವ ನೀರ್ಮಹಲ್ ಅರಮನೆ ಇಂದು ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾಗಿದ್ದು ಹಲವಾರು ಪ್ರವಾಸಿಗರು ಇಲ್ಲಿಗೆ ಆಗಮಿಸುತ್ತಾರೆ.