ಅಡೂರ್ ನಗರದಿಂದ 15 ಕಿ.ಮೀ. ದೂರದಲ್ಲಿರುವ ಸೇಂಟ್ ಮೇರಿಸ್ ಅರ್ಥಡಕ್ಸ್ ಸಿರಿಯನ್ ಚರ್ಚ್ ಪುರಾತನ ಪೂಜಾಕೇಂದ್ರ. ಥುಂಪಮೊನ್ ಗ್ರಾಮದಲ್ಲಿರುವ ಈ ಚರ್ಚ್ ನ್ನು ಥುಂಪಮೊನ್ ವಾಲಿಯಪಳ್ಳಿ ಎಂದೇ ಕರೆಯಲಾಗುತ್ತದೆ. ಹಲವಾರು ಶತಮಾನದ ಹಿಂದೆ ಇಲ್ಲಿ ನೆಲೆಸಿದ್ದ ನಝರೆನೆ ಕ್ರಿಶ್ಚಿಯನ್ ಸಮುದಾಯದವರಿಗೆ ಚರ್ಚ್ ಪ್ರಾರ್ಥನಾ ಸ್ಥಳವಾಗಿತ್ತು ಎಂದು ನಂಬಲಾಗಿದೆ. ಈ ಬಗ್ಗೆ ಯಾವುದೇ ಲಿಖಿತ ದಾಖಲೆಗಳು ಇಲ್ಲದಿದ್ದರೂ ಇದನ್ನು ದೃಢವಾಗಿ ನಂಬಲಾಗಿದೆ.

ಇತಿಹಾಸದಲ್ಲಿರುವಂತೆ ಕ್ರಿ.ಶ. 717ರಲ್ಲಿ ಚರ್ಚ್ ನ್ನು ನಿರ್ಮಿಸಲಾಗಿದೆ. ಜೆರುಸಲೇಂನಿಂ ಆಗಮಿಸಿದ ಪರುಮಲ ಕೊಚು ಥಿರುಮೆನಿ ಈ ಚರ್ಚ್ ಗೆ ದ ಲಿಟ್ಲ್ ಜೆರುಸಲೇಂ ಚರ್ಚ್ ಎಂದು ಹೆಸರನ್ನಿಟ್ಟನೆಂಬ ಕಥೆಯಿದೆ. ಮಲಂಕರ ಅರ್ಥಾಡಕ್ಸ್ ಸಿರಿಯನ್ ಚರ್ಚ್ ನ ಥುಂಪಮೊನ್ ಡಯೋಸಿಸ್ ಗೆ ಸೇಂಟ್ ಮೇರಿ ಅರ್ಥಡಕ್ಸ್ ಸಿರಿಯನ್ ಚರ್ಚ್ ಕೇಂದ್ರಕಚೇರಿಯಾಗಿದೆ. ಕೇರಳದ ಅತ್ಯಂತ ಹಳೆಯ ಚರ್ಚ್ ಗಳಲ್ಲಿ ಒಂದಾಗಿರುವ ಈ ಚರ್ಚ್ ಇಲ್ಲಿನ ಇತಿಹಾಸ ಹಾಗೂ ಸಂಸ್ಕೃತಿಗೆ ತನ್ನದೇ ಆದ ದೇಣಿಗೆ ನೀಡಿದೆ.