ರಾಜಸ್ಥಾನ್ ನ ಅಭಾನೇರಿ ಹಳ್ಳಿಯಲ್ಲಿರುವ ಚಾಂದ್ ಬಾವರಿಯ ಎದುರಿಗಿರುವ ಈ ಹರ್ಷತ್ ಮಾತಾ ದೇವಸ್ಥಾನವು 8 ಅಥವಾ 9 ನೇ ಶತಮಾನದಲ್ಲಿ ನಿರ್ಮಿತವಾಗಿದೆ. ಈ ದೇವಸ್ಥಾನವು ಹರ್ಷತ್ ಮಾತಾಗೆ ಸಮರ್ಪಿತವಾಗಿದ್ದು, ಅವಳನ್ನು ಸಂತೋಷ ಹಾಗು ಉತ್ಸಾಹಗಳ ದೇವತೆಯೆಂದು ಪೂಜಿಸಲಾಗುತ್ತದೆ. ದೇವಿಯು, ಇವಳನ್ನು ದರ್ಶಿಸುವ ಭಕ್ತರಿಗೆ ಯಾವಾಗಲೂ ಸುಖಸಮೃದ್ಧಿಯನ್ನು ಕರುಣಿಸುತ್ತಾಳೆಂದು ಭಕ್ತರ ಆಶಯವಾಗಿದೆ.ಪ್ರತಿ ವರ್ಷ ಈ ದೇವಸ್ಥಾನದಲ್ಲಿ, ದೇವಿಯ ಗೌರವಾರ್ಥವಾಗಿ ಮೂರು ದಿನಗಳ ಉತ್ಸವವನ್ನು ಆಚರಿಸಲಾಗುತ್ತದೆ ಮತ್ತು ಆ ಸಮಯದಲ್ಲಿ ಸುತ್ತಮುತ್ತಲಿನ ಹಳ್ಳಿಗಳಿಂದ ಸಹಸ್ರಾರು ಭಕ್ತರು ಇಲ್ಲಿಗೆ ಆಗಮಿಸುತ್ತಾರೆ. ತನ್ನ ಕಲ್ಲಿನ ವಾಸ್ತುಶಿಲ್ಪದಿಂದ ಹೆಸರುವಾಸಿಯಾದ ಈ ದೇವಸ್ಥಾನವು, ಭಾರತೀಯ ಪುರಾತತ್ವ ಇಲಾಖೆಯ ನಿಯಂತ್ರಣದಲ್ಲಿದೆ.